Skip to content

Kit progutao ronioca pa ga ispljunuo

Michael Packard ( Majkl Pakard) se već 40 godina bavi ronjenjem i sakuplja rakove i ostale morske plodove.

Michael Packard screenshot YouTube CBS

Veliki grbavi kit progutao je Amerikanaca Majkla Pakarda, kod Kejp Koda da bi ga ispljunuo poslije nekoliko sekundi, javlja BBC.

Pakard je rekao da je on zaronio kod grada Provinstaun u državi Masačusets kada je završio u džinovskim ustima kita gdje je proveo oko 40 sekundi.

Kit ga je ispljunuo, a Pakard je prošao samo sa iščašenjem koljena.

Pakard (56) je ispričao da je mislio da ga je napala velika bijela ajkula, koja je poznata u toj oblasti, a zatim je shvatio da nema zuba.

“Odjednom mi je sinulo da sam ja u ustima kita i da on pokušava da me proguta. Pomislio sam da je to kraj sigurno i oprostio sam se u mislima od žene i moja dva sina”, rekao je Pakard.

On je rekao da je odjednom kit izronio, izbacio ga iz usta i počeo da trese glavom.

“Odjednom sam se našao u vazduhu, kao na vrhu fontane, i pao sam u vodu, bio sam slobodan i osjetio sam kao da plutam. Nisam mogao da vjerujem”, rekao je Pakard.

I pored stalnih apela njegove supruge da nađe drugi posao, on nema namjeru da okonča 40-godišnju karijeru ronioca kod Kejp Koda.

Grbavi kitovi mogu da narastu do 15 metara i teže oko 36 tona. Prema podacima naučnika i istraživača, u prirodi je trenutno oko 60.000 jedinki.