Skip to content

Zabranila svekrvi da viđa unuka: Dijete preplanulo, jer baka ne vjeruje u zaštitne kreme

Jedna mama podijelila je na internetu iskustvo koje je doživjela sa svojim sinom (2) i svekrvom.

Ilustracija

Kako kaže, ona i svekrva su se dogovorile da joj pričuva sina i odvede ga na plažu. Dječaku je obukla majicu i šorts kako ne bi preplanuo i namazala mu kremu za zaštitu od sunca prije nego što je baka došla po njega.

– Stavila sam kremu sa zaštitnim faktorom u njegov ranac i zamolila svekrvu da ga s vremena na vrijeme namaže. Tog dana sunce je bilo poprilično jako, pa sam joj dodatno napomenula da mu nikako ne skida odjeću – napisala je ova mama.

Međutim, kada su se baka i dijete vratili sa plaže, žena je ostala u šoku. Njeno dijete je preplanulo od sunca.

FOTO: Pixabay

– Pitala sam je kako je to moguće i da li mu je mazala kremu – prisjeća se dječakova mama.

Kada je podigla dječakovu majicu, vidjela je crvenilo od sunca, pa je zaključila da mu je baka ipak skidala odjeću i da i pored njenih molbi nije mazala kremu.

– Ne vjerujem u te kreme – rekla je dječakova baka.

Mama ga je odmah odvela u obližnju kliniku. Na sreću, dijete se brzo oporavilo zahvaljujući kremama koje su im propisali.

U ovoj situaciji žena nije bila ljuta samo na svekrvu već i na svog muža, jer je mislio da je žena pretjerala sa odlukom da baka više ne može da viđa unuka bez njihovog nadzora.

– Moj muž kaže da sam prezaštitnički nastrojena. Ali, moja odluka je definitivna; njegova majka neće viđati unuka ako suprug ili ja nismo tu – striktna je u odluci ova mama.

Mnoge žene podržale su je u ovoj odluci.

– Vi ste joj vjerovali, a ona je pokazala nepoštovanje – bio je komentar jedne mame, dok je druga posavjetovala šta da kaže mužu:

– Dajte suprugu da pročita koji su rizici od opekotina. Dali ste joj upustva koja bi ona već trebalo da zna.

Neki su je, pak, osudili, smatrajući da je njena odluka o zabrani viđanja bake i unuka radikalna.

– Sigurno je da baka nije željela ništa loše, nemojte donositi tako krupne odluke – prokomentarisala je jedna žena.

– Da li biste takvu odluku donijeli i da je Vaša majka bila na mjestu Vaše svekrve? Rekao bih da je odgovor odričan, za nju biste sigurno našli opravdanja. Da sam na mjestu Vašeg supruga, dobro bih razmislio da li bih ostao sa Vama u braku – bio je oštar jedan tata.

Šta mislite, da li je ova mama donijela ispravnu odluku?

Tamara Ilić/Telegraf.rs

Sidebar